Togga til Kína

Eins og hefur varla farið fram hjá neinum, þá eru margir óhressir með Kínverja þessa dagana.  Ólympíuleikarnir hafa orðið fyrir þessum óvinsældum Kínverjana og einhverjir ætla að sniðganga þá.  En ekki Þorgerður Katrín enda búin að hlakka til að fara til Kína á Ólympíuleika í heillangan tíma.  Haldiði ekki annars að persónulegar langanir hafi stundum áhrif á pólitíkusa?  Þorgerður og familía búin að vera að telja niður dagana þangað til þau fara út og svo bara einhverjir Tíbetar með vesen að heimta sjálfstæði og Kínverjar með derring og vilja ekki tala við þá og þá bara eiga krakkarnir hennar Toggu að verða af þeirri upplifun sem það er að upplifa opnunarhátíð Ólympíuleika.  Reyndar eru íslenskir pólitíkusar ekkert frægir fyrir það að taka afstöðu þegar um mannréttindabrot er að ræða í öðrum löndum svo þetta er kannski ekkert nýtt.  En af hverju er samt Menntamálaráðherra sendur til að vera við Ólympíuleika, það er svo önnur pæling!?!

Athugasemdir

[Kristrún (IP-tala skráð) 15.4.2008 kl. 11:19]

Það var frekar fyndið um daginn þegar þetta var rætt hérna í DK þá segir menntamálaráðherran í viðtali að hann muni sniðganga opnunarhátíðina en svo daginn eftir segir forsætisráðherran sem er by the way í sama flokki og menntamálaráðherrann að hið opinbera muni ekki sniðganga opnunarhátíðina. Svo koma fleiri viðtöl þar sem kemur fram að aumingja menntamálaráðherrann hann Brian Mikkelsen hafði ekki einu sinni verið boðið að koma með á opnunarhátíðina. Frekar vandræðalegt í alla staði semsagt. Prinsinn hann fredrik var líka mjög spenntur fyrir þessum ólympíuleikum og sagði bara "jaja" þegar fólk spurði hvort hann ætlaði að fara þrátt fyrir allt, eins og ekkert væri sjálfsagðara.