Gamla einkaþotumálið

Ég veit að ég er sein til en verð aðeins að fá að nefna einkaþotumálið.  Eins og þið farið kannski nærri, þá finnst mér það auðvitað skandall.  Og þar sem ég er umhverfishippi finnst mér það fyrirlitlegt að umhverfislegum ástæðum fremur en efnahagslegum.  Þannig að þegar forsætisráðuneytið gaf út einhverjar krónutölur hvað þetta húllumhæ hafi kostað, hefði ég gjarnan vilja fá útreikning á því hver úrgangslosunin var umfram það sem hefði verið ef ráðherrarnir og föruneyti þeirra hefðu farið með almenningsflugi.  Þórhildur Fjóla hefði jafnvel reiknað þetta út fyrir okkur.  Spurning annars hvort það hafi verið stuð í þessari vél, hvort Ingibjörg Sólrún hafi farið á trúnó með einhverjum blaðamanninum eða Geir hafi verið með dólgslæti, og þar sem þetta var einkaflug, ekki hægt að vísa honum frá borði í næstu höfn. 

En þið getið ímyndað ykkur hvað ég verð örg yfir einkaþotum ef að einkabílar ergja mig eins mikið og þeir gera.

Annars ætti ég auðvitað að vera að ergja mig yfir hækkandi matvælaverði en Gunni frændi er búin að tala svo mikið um það að ég nenni því ekki, hann virðist vera með kjúklingabringur jafn mikið á heilanum og ég með bíla.  Ég kaupi nú líka ekki það mikið af mat, meira bara af nammi og það eru minni upphæðir þannig að ég tek ekki eftir neinu.

Góða helgi

Athugasemdir

[Solrun (IP-tala skráð) 11.4.2008 kl. 15:17]

Einkathotumal?? hljomar ahugavert, kreppan er greinilega ekki alveg ad gera ut af vid islendinga!

[Anna Þorbjörg Jónasdóttir, 11.4.2008 kl. 15:24]

Nei, það virðist vera sem það sama gildi ekki um yfirvöld og almenning.  Gott fordæmi alveg hreint ...