Forheimskan

Ég er að forheimskast.  Það eina sem ég skrifa um hér inni eru tilgangslaust tuð, eina skoðunin sem ég hef á borgarstjórnarskiptum er að nýji borgarstjórinn er sætari en sá gamli. Skil ekkert í þessu REI dóti og er alveg sama.  Ég nenni varla að lesa mbl lengur, fer bara beint inn á slúðrið um frægt fólk á útlendum slúðursíðum.  Horfi á skjá einn meðan það eru fréttir í sjónvarpinu og fletti Fréttablaðinu aftur á bak og kemst aldrei lengra en að smá auglýsingunum.  Þegar ég hef gert tilraun til að fara í bókabúð til að kaupa mér Economist eða Time hef ég endað á því að fara að skoða Cosmopolitan og lesa um hvernig sé best að sminka sig.  Í stað þess að lesa heimsbókmenntir er ég að lesa enn eina Chick lit.  Þegar ég leigi mér spólu langar mig bara að taka rómantískar gamanmyndir.  Og ég á að heita einhver fræðingur!

Athugasemdir

[Solrun (IP-tala skráð) 16.10.2007 kl. 12:55]

Aldrei hefur mer svo mikid sem dottid i hug ad fara inn i bokabud til ad kaupa mer the economist eda the time! Mer thykir mikid til koma bara ad ther detti thad i hug.

[Anna Þorbjörg Jónasdóttir, 16.10.2007 kl. 13:37]

Ohh, takk elskan, gott að heyra þetta frá sjálfum Sameinuðu þjóða starfsmanninum :)