Eftirlýstur farþegi hvíts jeppa

Hver ók fram hjá mér á hvítum plebbajeppa í gærkvöldi, flautaði og vinkaði?

Við systur vorum í smá göngutúr þegar það er flautað á okkur af þessum bíl.  Ekki þekki ég neinn sem ekur slíkri glæsibifreið svo ég gerði ráð fyrir að þetta væru einhverjir gaurar að flauta á okkur því þeim finndist við hot.  Ljái þeim hver sem vill, hugsaði ég með mér.  Svo fer bifreiðin auka hring á hringtorgi sem þarna er til þess eins og geta aftur flautað og þá sá ég einhver var að vinnka en ekki hver.  Í brotabrot var mér nokkuð brugðið og hélt að þarna væru kannski einhverjir ótýndir glæpamenn á ferð, enda ekki langt frá miðbænum, þar sem glæpamennirnar eiga heima.  En held ekki að glæponar vinnki og haldi svo sína leið. 

Spurningin er því, hver var þetta eiginlega?

Athugasemdir

[Bjarki Þór Baldvinsson (IP-tala skráð) 1.10.2007 kl. 23:08]

OJ Simpson á það til að ferðast um í hvítum Bronco. Gæti hafa verið hann. En þá vaknar spurningin hvernig þið þekkist?

[Anna Þorbjörg Jónasdóttir, 2.10.2007 kl. 08:19]

Minnist þess ekki að þekkja OJ, það hefði þá verið þegar ég var ljóshærð, því hann ku víst bara sýna ljóskum áhuga.  Held líka að þetta hafi ekki verið Bronco, en hvað veit ég