Gettóið

Það er greinilegt að ég er flutt í gettóið.  Þegar ég ætlaði að bregða mér á bak hjólhesti mínum var framhjólið punkterað.  Það var svo flatt að það leikur enginn vafi á því að einhver hefur stungið í dekkið.  Ég þurfti því að skunda í flýti í vinnuna sem tekur mig tæpan hálftíma.  Nennti ekki að tékka á strætó, held maður sé fljótari að labba, hann kemur svo sjaldan og svo þarf maður að eiga akkurat fyrir fargjaldinu.  Kom því of seint í vinnuna í fyrsta skiptið.  Vona að ég verði ekki rekin.

 

 

Athugasemdir

[lolop (IP-tala skráð) 31.7.2007 kl. 10:39]

 þetta kemur bara fyrir einu sinni... þú læsir hjólið bara inn  í fínu geymslunni þinni bæði sumar og vetur, það fer líka betur með hjólið... en ég get ímyndað mér hvaða þetta hefur verið pirrandi þegar manni liggur á að fara í vinnuna... 

[Sólrún (IP-tala skráð) 31.7.2007 kl. 11:51]

Jú jú láttu mig þekkja þetta, við töpuðum nú hvorki meira né minna en 5 hjólum í þessu sama hverfi, þó að sum hjólin hafi fundist og tapast á ný oftar en einu sinni glötuðust önnur okkur að eilífu, 101 Rvík er ekkert grín.

[Anna Þorbjörg Jónasdóttir, 31.7.2007 kl. 11:53]

Er nú að flytja innan 101 en þar voru engin vandræði.  Hverfið virðist verða skuggalegra eftir því sem maður kemst nær löggustöðinni.  Merkilegt!