Tillsammans

Sá í Fréttablaðinu í dag að fyrirhugað er að setja upp leikgerð af kvikmyndinni Tillsammans.  Þetta er einmitt uppáhaldsmyndin mín og sú langskemmtilegasta sem ég hef séð.  Hún fyllir mann einhverri hamingjutilfinningu og barnslegri gleði.  Hef horft á hana margoft og finnst hún alltaf jafn hressandi og brosi út að eyrum í lokaatriðinu þegar allir eru saman að spila fótbolta í snjónum.  Þeir sem ekki verða pínu glaðir við að horfa á þessa mynd eru dauðir að innan.

Er spennt að sjá leikritið og hver mun leika sæta Lasse sem er einmitt mikið að spóka sig á typpinu í myndinni.  Mæli með að fá Hilmi Snæ í hlutverkið, hann er hvort sem er búin að sýna þetta allt saman við fjölmörg tilefni.

Held að það hafi ekki verið sagt hvað leikritið átti að heita.  Saman er eitthvað svo klént.

Mun annars koma með seinni hluta af Danmerkurferð þegar ég nenni að fara á þráðlaust kaffihús eftir vinnu.  Er of upptekin af íbúðarstússi til að nenna svoleiðis.

Athugasemdir

[Inga frænka (IP-tala skráð) 24.7.2007 kl. 17:16]

Sæl Anna Tobba og til hamingju með íbúðina þína. Ég er alltaf eins og fávís kona ur vesturbænum vissi ekkert um þessi íbúðarkaup þín fyrr en pabbi þinn og mamma voru að fara suður til að hjálpa stelpunni sinni. Já þau eru engir hálfdrættingar í flutningum, pabbi þinn hjálpaði okkur að flytja alla þyngstu hlutina úr Kringlumýri í Ljómatúnið og mamma þín gerði svo hreint í Kringlum. og var ekki lengi að skúbba því af með aðstoð Friðu Maju og Eyglóar. Vonandi fer vel um þig á Hverfisgötunni sjáumst þegar þú kemur í höfuðstað norðurlands kv. Inga Salla

[Stína (IP-tala skráð) 25.7.2007 kl. 00:03]

Þú mátt koma á kaffi Stínu þegar þú villt. Þar er líka þráðlaust net:)

[Anna Þorbjörg Jónasdóttir, 25.7.2007 kl. 08:34]

Til hamingju sjálf frú Ingibjörg með þína nýju íbúð.  Hlakka til að sjá.  Nei, það var ekki amalegt að fá hjálp frá mömmu og pabba og auðvitað Dagnýju.  Hefði aldrei getað staðið í þessu ein.

Takk fyrir það Stína mín :)