Gúrkan

Um þessar mundir ríkir hin mikla gúrkutíð í fjölmiðlum.  Oft er nú bara gaman að svoleiðis því þá koma alls kyns skemmtilegar fréttir sem annars myndu aldrei líta dagsins ljós.  Fannst þó í gær ansi skrítin frétt um skýjafar á Suðurlandi.  Það þótti fréttnæmt að skýin þar hefðu verið í laginu eins og geimskip.  Kannski skemmtilegt að sjá svoleiðis með berum augum en spurning hvers mikið stuð það er að sjá það í fréttatímanum.

Annars finnst mér skrítið að fréttamenn nýti sér ekki gúrkuna í að hafa alvöru fréttir, um eitthvað sem máli skiptir.  Held að það sé alveg af nógu að taka enda alls staðar verið að há stríð sem við höfum lítinn skilning á.  Einhvern vegin erum við þó orðin ónæm og áhugalaus um það sem gerist í fátækari hlutum heimsins og kjósum því frekar fá krúttlegar fréttir af skýjum.

Athugasemdir

[Allý (IP-tala skráð) 28.6.2007 kl. 14:16]

En Anna! Í alvöru! Í sama fréttatíma var frétt um götu sem í bjuggu þrennir tvíburar. Þá þótti mér nú skýjafréttin hreinlega æsispennandi í kjölfarið. Ég meig næstum á mig af geðshræringu yfir formunum á himninum. Í samanburði við tvíbbana allavega......

[Anna Þorbjörg Jónasdóttir, 28.6.2007 kl. 14:19]

Já, það er rétt, sá bara ekki tvíbbafréttina nema í yfirlitinu.  Greinilega allt að gerast á fréttastofunni